[IMG]
[/IMG]
يسعد اوقاتكم
جبتلكم اليوم وصفة حلا خفيفة و سهلة
بس ركزو شوي بالطريئة
[IMG]
[/IMG]
كيكة
البرتقال
المكونات بتعطي قالب كبير او ١٢ قطعة صغيرة
استخدمت قوالب المافن بتجي حجما كبير شوي
مكونات الكيك
كاسة ونص سكر
معلقة كبيرة برش برتقال
٤ بيضات
ظرف فانيلا
تلات ارباع كوب زيت ( انا هون حطيت ربع زبدة ونص زيت )
معلقتين كبار لبن
كاسة عصير برتقال
كاستين ونص طحين
تلات معالق صغار بايكنج باودر
رشة ملح
شرائح برتقال .
*جليز السكر
كوب سكر بودرة
٣ معالق كبار عصير برتقال
طريقة التحضير
اول شي منجهز القالب و مندهنو بالزبدة او الزيت كتير منيح
منحضر الكيك ..
اول شي منفرك السكر وبرش
البرتقال بايدينا ليصير لون السكر اصفر منضيف البيض والفانيلا ومنخفق دقيقتين او تلاتة ليتغير لون الخليط ويصير لونو على بياض شوي
بنضيف بعدا الزيت منخفق بالخفاقة اليدوية وبعدا اللبن
ومنخفق ومنضيف العصير ومنخفق
اخر شي منضيف الموادالجافة منخولين الطحين والبايكنج باودر والملح بالتدريج وبنقلب بالسباتيولا لبين مايمتزج الخليط منيح ومايضل اي تكتلات
(فيكن هون تصبو الخليط بقالب كبير وبس )
انا هون وزعت شرائح برتقال بالقاع وصبيت فوقو الخليط
ومندخلو الفرن على حرارة ١٨٠ الرف الوسط القوالب الصغيرة بتاخد تقريبا ٢٠ لل ٢٥ دقيقة
ما اكتر اتأكدو من الاستواء بعود الاسنان
طالعو القالب و استنو لتهدى سخونتو شوي و بعدا قلبوه وصحتين وهنا
جليز السكر عالوجه اختياري
منخلط السكر مع العصير كتير منيح ومنصبو فوق القطعة الكمية الي بتحبوها
وصحتين
آخر 10 مشاركات
03-07-2024, 01:47 PM
عضويتي 
كيكة البرتقال من مطبخ eyes beirut تعالو تعالو
العرض الشجري