مابقى فالبال طاري سوى طاري غلاك

مابقى فالبال طاري سوى طاري غلاك

القصايد نبض واعماق واحساس وشعور
وان خلت من شي واحد بدى فيها ارتباك

والحروف اجساد تبعث تدوّر نفخ صور
إحيها والذنب يطهر على جمرة شفاك

والشعور ارواح تنفث وتسكن فالصدور
وانت روحٍ صدر شاعر مع الحب احتواك

وليه ماردوا سلامي معازيب القبور
يوم انادي يرجف الصمت ويذوب الهلاك

لا يموت العطر والفوح ما بين العطور
عطر يعطينا الامل والاماني في لقاك

اعطني من ملح عينك ومن خدك زهور
مابقى فالبال طاري سوى طاري غلاك

دمعة الاشواق تطغى على كبر وغرور
كل ليل تزور من لا جفاك ولا نساك

اسرقي من رونق الصبح نفحات السرور
طال ليل الطرقي الي عيونه في حراك

شف مرج بحرين قلبي على يم الشهور
لا وقف عقرب سنيني على موعد جفاك

قبليني عن تعب غيبتك قولي طهور
واحتويني بالغلا بين ذاك وبين ذاك

يوم سج الفكر جنّب عن امواج البحور
شافك الشعر المقدس وربّع في حماك

توليب ,ملك الصمت ,الراقي ,زمزم ,روح معجبون بهذا

المصدر: منتديات زاخر الغيم