القصايد وقلبي من فداياها

القصايد وقلبي من فداياها

يا هلا يا اجمل النظرات واحلاها
................. تسهر الليل ما ترقد على شاني

المشاعر من اقصاها ليا اقصاها
.....................امتلكها واخذ قلبي وشرياني

والله ان الغلا منها ولولاها
................... يمدي الحب ماسلّم ولا جاني

كل كلمه ليا طلعت من اشفاها
................تامر احساس غاليها وتنهاني

وكل ما وجّهت وجّهت وياها
............. وكل ما تلتفت من وين تلقاني

القصايد وقلبي من فداياها
.......... حشمته ينكتب شعري وقيفاني

وكل ما جيت بكتب في مزاياها
.......... مستحيل القوافي فيه تعصاني

ينهمر مثل غيمه ينهمر ماها
........ واكتب البيت الاول وابني الثاني

وكل شطرٍ بنيته في حلاياها
............. للغلا واعذب الاحساس وداني

ومن سمعها يقول الله ما احلاها
.............. كانها عود كمبودي وريحاني


احساس قلم

روح ,مُزهِرة. ,يفوق الوصف ,جبرني الوقت ,توليب ,نوران العماري ,رحمه ,فارس و 8 آخرون معجبون بهذا

جنون♡ ,كيان ,شذى ,صفحات عاشقة ,رانيا ,زاخر الغيم ,سلطان الزين ,مُهجة

المصدر: منتديات زاخر الغيم