فضفض لي آند افضفض لك.. بقلمي ^^

فضفض لي آند افضفض لك.. بقلمي ^^

.'



الا يا ال زاخر الغيم بالله خبروا
من ينخرش من بعض الامور ماذا يصنعوا

البنات بشكل عام معروفين يخافوا من ابو شنب
الا انا الله يحفظني اذا شفته يجيه نعال ماشي الفين
اكرمكم الله .. بس فيه شي يفكفك صواميلي من الخرشه ادري انها كبيره في حقي وصلت لسني ذا وانا اخاف من البساس .. ( القطاوه )
مستحيل اركب سياره وهو زابن تحتها او متكي فوقها ولاّيكون واقف عند محل بدخله .. اخاف ينبرش لي بذات اذا يفحط قدامي مدري يبي يمين ولاّ يسار
انا هنا اشغل التيربوا والوجهه مجهوله
اغبط من يمشي بالطريق او بحاره مليانه بساس والوضع عنده عادي
احس انه مثل ابو عنتر
مع العلم وانا زغيره كان عندي بسه ربيناها انا واخواتي
بسة شوارع بس محترمه
لكن مدري خربت اعداداتي من كبرت ، هقوتكم جتني عين << عاد كل شي يصير م نحبه
قلنا عين م علينا




ازيدكم من الشعر هاوس << بيت


فيني حنيّه مال اووومها دااعي المشكله عيت تفارقني للحين


اللي هي ..احن على اي كائن حي حنيه تؤدي للبكاء المستمر
والمشكله محد درى عني


مره من المرارييير ابوي الله يرحمه جاب خروف العيد ورابطينه بالحوش
جابه قبل العيد ب ايام والايام هذي هي اللي نكبت عفشي
كنت انا اجيب له المويه والفطور والغدا والعشا


كل يوم ازوره 3 مراات ومرات اجي اسولف معه واتأمل عيونه وهو يطالعني


احس فيها كلام >>الله من هالرومانسيه اللي تمسك حتى مع الغنم


الموهم


صارت بيننا اولفه .. وقرب الرحيل وخاطري منك ما طاب
بصراحه كنت ابكي ما ابيه يموت وقطعت له وعد وعهد اني ما اكل من لحمه شي اكراماً للصداقه اللي كانت بيننا


وكرهت البشر وحسيت مافي قلوبهم رحمه

اعتقد اني نشرت غسيلي اقصد فضفضت بما يكفي
المايك لكم .. فضفضوا ايش مخاوفكم او مواقف لكم صارت بطفولتكم اي شي هاتوا
ونستقبل اول اتصال ونقول الوووو

القلب ,زاخر الغيم ,حكاية إحساس ,كيان ,توليب ,رتيــــــل ,المعتفس ,سرالهوى و 1 آخرون معجبون بهذا

شذى♛

المصدر: منتديات زاخر الغيم

موضوع مميز
لآعدمنا جمآل روائعك
تحية صادقه من الاعماق
وبآنتظار جديد آبداعكگ دائمآ
ودي لگ

اقتباس:

المشاركة الأصلية كتبت بواسطة انين الشوق

موضوع مميز
لآعدمنا جمآل روائعك
تحية صادقه من الاعماق
وبآنتظار جديد آبداعكگ دائمآ
ودي لگ

وين ي انين فضفضتك

ختم ورفع واضافة المكافاة
ونقلة للمكان المناسب
ولى عودة

حنيّه معجب بهذا

اقتباس:

المشاركة الأصلية كتبت بواسطة شذى♛

ختم ورفع واضافة المكافاة
ونقلة للمكان المناسب
ولى عودة

مكانك محفوظ
وكلي امتنان لفيض كرمك

لاعدم

تمت الاضافة

حنيّه معجب بهذا

🤭🤭
اجل تخافين من البساس اكثر من ابو شنب
عندي قطاوه 🐈 صغار بعطيك واحد
هديه ماوراها جزيه 🙂
قولي تم 😀
بس موضوعك تحفه
سلمت اناملك لروعة طرحهآ
يعطيك العافيــة..
مودتي.

المعتفس معجب بهذا

كل شي يخوف ماعدا الأسد لأني ماشفته
على الطبيعة الا ورى القضبان وطلع صرصور
في الحديقة وحصل عدة اصابات اثناء الهروب

طرح في غايه آلروعه وآلجمال
سلمت آناملك على الانتقاء الاكثر من رائع
ولاحرمنا جديدك القادم والشيق
ونحن له بالإنتظار

كيان ,المعتفس معجبون بهذا

مدري حدن يخاف من القطط
وش تشوفينها اسد هههه
ماظنيت عندي مخاوف حتى لو يطلعلي ذيب
حنية قوي قلبك


عطآء منهمر بإنتقآء رآئع وطرح جميل
سلمت الأنآمل أسعدني التوآجد
في متصفحكم الرآقي وأستمتعت
بالقرآءة وبإنتظآر جديدكم بشوق
دمتم بود وإحترآمآ وتقدير

كيان معجب بهذا

كل انسان عنده مخاوف
بس ما احب اتكلم عنها
شكرا على الطرح
سلمت لنا روحك العذبة
ولا حُرمَنِآ روعَة هذا الطرح

مُوِدةَ ~;