سهير رمزي: 'مفيش حد زعلان مني وحب الناس أجمل مفاجأة'

قالت الفنانة سهير رمزي إنها كانت تحب عيد ميلادها عندما كانت والدتها على قيد الحياة، وأصبح عيد ميلادها ثقيل على قلبها، لأنه يذكرها بما كانت تفعله والدتها معها، حيث يأتي عيد ميلادها في الثالث من مارس كل عام.


مداخلة الفنانة سهير رمزي في برنامج "الستات"
youtube
قالت سهير رمزي خلال مداخلة هاتفية مع برنامج "الستات" التي تقدمه الإعلامية سهير جودة: "الحمدلله ربنا بيعوضني بحاجات حلوة كتير، ربنا تملي حنين عليا في الحتة دي، وجوزي جنبي بيعملي أشياء لذيذة جدا، واصحابي واهلي، بلاقي حب من الناس ده بالنسبالي هو المفاجأة".

وتابعت: "انا بزعل عشان في سنة راحت مني، وبزعل عليها مببقاش فرحانة أو ي، دي سنة راحت ويا ترى السنة اللي جاية فيها ايه، الوحش لو انا زعلت حد اقعد احاسب نفسي واصالح لأني مببقاش عارفة انا هكون موجودة السنة الجاية ولا لأ، وانا السنادي مكلمتش حد واعتذرت له لأني مزعلتش حد، وكل المكالمات اللي جاتلي وكل الاحتفالات اسعدتني جدا".

وواصلت:" في سنة من السنين اتصلت واعتذرت لأصدقائي كنت مزعلاهم وصالحتهم، لأنني لا أعرف هل سأعيش للسنة القادمة أم لا، واعتذرت اليوم عن التصوير لأن نص شعبان، يوم مهم الواحد يقعد مع نفسه ويقرأ قران ويصلي كتير ويدعي ربنا، واليوم وجاي بعد عيد ميلادي".

زاخر الغيم معجب بهذا

المصدر: منتديات زاخر الغيم