معك الأمر مختلف تحاوطني البهجة "

مرحبا آل زاخر الغيم واهله صباح / مساء الخيرات طبق عريق وشعبي اتوقع الكل يحبه وهاي وقته ع الشتاء وهو المرقوق المرقوق له عدة طريق بحسب كل منطقة لكن هاي الطريقة معتمدة عندنا بالقرية اتمنى تجربوها لذيذة جداً . نشوف المقادير وياها الطريقة ثلاث اكوب دقيق بر وكوب دقيق ابيض عندنا خضار مشكلة مقطعة بشكل مربعات متساوية وعلى حسب الكمية ( 1 باذنجان ، 2 بطاطس ، 2 كوسة ، 2 فلفل رومي, قرنين فلفل حار ) لحمة قطع مربعة بس كبيرة شويه اول شي نقطع بصلة كبيرة ونحمسها مع شوية دهن او زيت ، حتى تاخذ لون ذهبي عقب نحط حبتين طماطم مقطعة صغير او مبشورة ونحمسها مع البصل وعقب نحط ملعقتين معجون طماطم ونحمسها عدل وعقب نضيف قطع اللحمة ونقلبها عدل ونضيف الماي الساخن حتى نغطيها ونضيف الملح والبهارات المشكلة حسب الرغبة و نتركها حق 20 دقيقة على نار متوسطة عقبها تضيف الخضار ونتركها ربع ساعة حتى تتسبك مع اللحمة وهالوقت نحضر العجينة نعجن الطحين البر والابيض ونضيف رشة ملح , حتى تتكون معي عجينة ونتركها ترتاح شي ربع ساعة عقب نقطها كور متوسطة ونفرد كل وحدة ونقطها مربعات صغيرة و في هالاثناء نرش دقيق مكان الفرد حتى ما تمسك القطع ببعضها ونضيفها على مرقة اللحمة و نحرك وهيك حتى تنتهي كمية العجينة ونقلبها عدل وبالراحة ونضيف ماي مع كل كمية نضيفها من العجينة ونتركها هم ربع ساعة حتى تسوي وتتسبك مع اللحمة والخضار وتقدمه في جو عائلي وليلة باردة وعافيات

الفيصل ,مَجرَّة ,كيان معجبون بهذا

المصدر: منتديات زاخر الغيم