منتديات زاخر الغيم - محمد فؤاد يكشف عن أحدث أغانيه القادمة " جاية في وقتها" وطرحها قريبا

حب محمد فؤاد للشعب اللبناني

وأوضح محمد فؤاد خلال تصريحات تلفزيونية أن دولة لبنان فضل ليس بالقليل في نجاحه في الفن، وأنه قام بتصوير عدد من البرامج وفيديوهات كليب في لبنان، كما أن المواطنين اللبنانين ذواقون للفن، ويفهمون به جيدًا.

وقال: "بحبكم وفي بالي على طول وفضل لبنان على محمد فؤاد كبير مش قليل وصورنا عندكوا حاجات كتير، وأنا بحترم مجهدكوا وانتوا بتفهموا فن كويس جدًا".

كما أعرب محمد فؤاد عن محبته الكبيرة للفنانة اللبنانية فيروز، وقال: "تحياتي لفيروز سلمولي عليها.. بحبك.. يوميًا بسمعك.. الصبح لازم أسمعك.. ربنا يخليكي ويطرح البركة فيكي.. ونشوفك عن قريب".

كواليس أغنية كداب
وكشف محمد فؤاد عن كواليس أغنية "كداب" وقال: " أغنية كداب كنا بنعمل الدبكة اللبناني عشان الشعب اللبناني بنحبها وكنا في الاستديو بنرتب اننا نوصل حاجة للشعب اللبناني ولما نزلت عجبتهم ونجحت في لبنان".

سبب نزول وزن محمد فؤاد
أوضح محمد فؤاد خلال مداخلة هاتفية مع الإعلامي شريف عامر في برنامج "يحدث في مصر"، أن سبب ظهوره بوزن منخفض في حفل لبنان، هو خضوعه لعملية تكميم للمعدة، قائلًا: "معملتش دايت، ولكن خضعت لعملية تكميم، ومشعارف الناس ليه بتخبي لو عملوا حاجة زي دي؟ د ه عشان صحتنا تبقى كويسة، هي مش خيانة عظمى، وبنصح الناس لو وزنها زائد تعمل العملية، وياريت ماتعملوش زي الناس اللي بيخبوا ويكدبوا، دي آفة من آفات المجتمع، وحاليًا ماشي زي الكلب بنفذ اللي بيقول لي عليه الدكتور، ولحد دلوقتي ما شفتش رغيف العيش لكن الحمد لله مفيش معاناة".

أخر أعمال محمد فؤاد

وكانت أخر أعمال محمد فؤاد هي أغغنية سلام والتي حققت نجاحًا كبيرًا بعد طرحها، وذلك عبر قناته بموقع الفيديوهات الشهير يوتيوب.

كلمات الأغنية
كان حبيبي ودنيتي كان كل حاجة
كان بيفهمني بعنيه
معاه ياما رميت همومي بين ايديه
كان كل اللي ليا كان الحاجة الحلوة فيا وراح
ده انا عايزلي عمري احزن عليه
سلام على اجمل حب في عمري وعلى اجمل ايام
سلام على احلام كنت عايشها وضاعت مني اوام
سلام على أجمل حب في عمري وعلى أجمل أيام